بتبحث عن كورسات انجلش اون لاين مجانا ومش عارف ايه الأفضل ليك ؟ تعالى معايا في جولة سريعة اعرفك على تجربتي مع 3 كورسات انجلش خرافية.
في البداية كدا كورسات الانجلش اللي هزكرهالك في الشرح ده, انا بنفسى قمت بتجربتها, يعني هتاخد نصائح مجربة مش مجرد كلام.
هقولك قصتي بإختصار مع كل كورس ومميزاته وعيوبه, وفي النهاية ليك الحرية في اختيار اي كورس منهم. وجميع الكورسات مجانية.
كورسات انجلش اون لاين ( نصيحه مهمه قبل ما تتعلم انجلش اون لاين)
في البداية وقبل ما تبدأ في كورسات انجلش اون لاين مجانا , فيه بعض النصائح المهمه جدا اللي لازم تبقى عارفها , والنصائج دي هي:
- علشان تتعلم اون لاين لازم تكون صبور ولو معندكش صبر متبدأش اي كورس اون لاين
- دوّن كل حاجه مهمه بتتعلمها وكل كلمة جديده بتعرفها في دفتر
- اتكلم مع نفسك! متستغربش علشان تتعلم انجلش اون لاين يبقى لازم تتكلم مع نفسك بصوت عالي وانت بتذاكر
- حدد أوقات محدده تسمع أو تذاكر فيها الكورس
- ابعد اي حاجه ممكن تلهيك زي الموبايل مثلا
- اياك والمحبطين, اتكلم انجلش وطبق اللي انت بتتعلمه في أي وقت واي مكان ومتسمعش كلام المحطبين
دي مجموعه من النصائح بناءً على تجربتي, اوعدك لو طبقت النصائح دي مع أي كورس من كورسات انجلش اون لاين هتلاقي نتيجة كويسة جدا.
ايه رايك بقى نبدأ في عرض ال 3 كورسات ؟ موافق طبعا, فيلا بينا : )
كورس Zamerican English
في الحقيقه وبكل حياديه كورس ذا امريكان انجلش هو الكورس المفضل ليا على الإطلاق, ومش هتلاقي كورس مجاني في الوطن العربي ينافسه.
تعالو نعرف مع بعض مميزات وعيوب الكورس بكل صدق وحياديه .
مميزات كورس ذا امريكان انجلش
- الكورس بالكامل مجاني
- محتوى الكورس باللغة العربية
- الكورس مناسب لجميع المستويات من المبتدئ للمحترف
- محاضر الكورس دكتور ابراهيم عادل واحد من افضل محاضري اللغة الانجليزية في الوطن العربي
- الكورس يحتوى على شهادة معتمدة من بعض الدول والمؤسسات العربية
- يركز الكورس على جميع جوانب اللغة زي الإستماع والقراءة والكتابة والقواعد والتحدّث
- أخيرا مميزات الكورس ده فعلا ملهاش حدود
عيوب كورس ذا امريكان انجلش
- الكورس طويل ويحتاج لأشهر لإنجازه
بصراحه مش لاقي عيوب تانيه للكورس علشان اذكرها, ولو عايز تعرف معلومات اكتر عن الكورس اقرا شرح ذا امريكان انجلش .
كورس Power English
لو إنت بقى من محبي تعلم اللغة الإنجليزية من متحدث اصلي للغة, وكمان حابب تتعلم عن طريق الإستماع.
فخليني اقولك إن كورس Power English هو الخيار الأنسب ليك, وهو مصنف كواحد من أفضل كورسات انجلش اون لاين مجانا على مستوى العالم
كالعادة تعالو نعرف مميزات وعيوب الكورس, وفي النهاية ليك حرية التقييم والإختيار
مميزات كورس Power English
- محاضر الكورس واحد من أمهر المحاضرين على مستوى العالم
- يمكنك تحميل الكورس والاستناع اليه في اي وقت واي مكان
- الكورس عباره عن ملفات صوت و Pdf فقط
- الكورس يعلمك اللغة الانجليزية عن طريق الإستماع وهي أحد أفضل الطرق الحديثه في تعلّم اللغة
عيوب كورس Power English
- تحتاج لأن يكون مستواك جيد في اللغة وليس مبتدئ من تحت الصفر
- تحتاج للإعتماد على نفسك بنسبة 80% حتى تستطيع الإستفادة من الكورس
(كورسات انجلش اون لاين مجانا)كورس English Launch من يوديمي
في الكورس ده مش كورس انجلش كامل ولكنه كورس مكثف جدا لتعلم مهارات اللغة الأربعه بأمثله عمليه, يعني بإختصار هتتعلم استماع وتحدث وقواعد وقراءة وكتابة لكن عن طريق امثله عمليه.
مميزات كورس English Launch
- كورس مكثف مش هياخد منك وقت كتير
- المحاضر متمكن جدا من اللغة
- الشرح عن طريق امثله عمليه
- بعد الكورس هتطلع بشوية كلمات وقواعد ومعلومات في الانجلش قيّمة جدا جدا
- الكورس مجاني وبشهادة على موقع يوديمي
عيوب كورس English Launch
- مش هتتعلم من الكورس انجليزي بالكامل ولكن هيقويك فيه
- الكورس برضو مش مناسب للمبتدئين من تحت الصفر
- الكورس لا يُعتمد عليه لوحده في تعلّم اللغه
علشان تقدر تسجل في الكورس لازم يكون عندك حساب على موقع يوديمي وبتعرف تتعامل عليه, فلو متعرفش موقع يوديمي اسمع الفيديو ده هيعرفك كل تفاصيله.
موضوعات تهمك
- قناة تعليمية للأطفال بالإنجليزي: دليلك الشامل لتعليم طفلك اللغة
- أفضل 5 قصص لتعلم اللغة الانجليزية
- تعلم اللغة الإنجليزية (كل ما تحتاج إليه خطوة بخطوة)
- ترجمة باستخدام الكاميرا | أفضل وأقوى برامج الترجمة في 2023
- أفضل موقع لتعلم اللغة الإنجليزية بالعربي | من البداية حتى الاحتراف
- ازاي اعمل Cv لنفسي : كيفية عمل Cv محترف في 2023