كورسات انجليزى اون لاين : أفضل 7 كورسات على الإنترنت

بتدور على كورسات انجليزى اون لاين وتعبت من المصادر الكتير ومش عارف تختار الكورس المناسب ليك ومش عارف تبدأ فيه إزاى؟

انهاردة بإذن الله هعرفكم على دورات لتعليم اللغة الإنجليزية عبر الانترنت مجانا, ومش أي دورات دي الأفضل على الإنترنت كمان.

وكمان هعرفكم على أفضل مواقع كورسات انجليزي اون لاين بالإضافه لتطبيقات الموبايل . يعنى كل حاجه نفسك فيها هتلاقيها في المقالة دي بإذن الله.

محتويات مقالة كورسات انجليزى اون لاين

• ليه لازم تتعلم انجليزي ؟
• لازم تتابع مستواك أول بأول
• هل فيه كورسات انجليزى اون لاين مجانا بشهادات معتمدة ؟
• افضل كورس انجليزى عربي
• شوية كورسات انجليزي برشحها ليكم
• كورس انجليزى للمبتدئين
• أفضل تطبيقات موبايل لتعلم اللغة الإنجليزية
• كورس انجليزى للاطفال مجانا
• كلمة ختاميه ونصيحه هامه جدًا

ليه لازم تتعلم انجليزي ؟

طبعًا السؤال ده أصبح مهروس دلوقتي في ومعظمنا دلوقتي عارف ليه لازم يبدأ يتعلم انجليزي من انهاردة , ايو بالظبط من النهاردة.

بس تعالو مع بعض كدا نتعرف على أهم الحاجات اللي لازم تتعلم انجليزي علشانها :

1. معظم الشركات المحترمة مش هتقبلك من غير انجليزي
2. لو بتفكر تسافر في منحه مش هترف من غير انجليزي
3. الإنجليزي هيديك ثقة كبيرة جدًا في نفسك
4. مجرد تعلّمك للإنجليزي هيفتحلك مجالات كتير لدراسة محتويات علميه أجنبيه وقراءة كتب قيّمة باللغة الإنجليزية في مجالك
5. أخيرًا , تعلملك للإنجليزي هيفتحلك مجالات رزق وشغلانات كتير مكنتش هتقدر تعلمها من غير إنجليزي خصوصا الفريلانس

دلوقتي أكيد عايز تتعلم إنجليزي وبقى عندك حماس وشغف كبير إنك تبدأ وبتسأل إيه هي كورسات انجليزى اون لاين اللي ممكن تفيدني؟

متستعجلش كل اللي إنت عايزه هتلاقيه هنا في الشرح مُفصل بعيد عن كلام التنمية البشرية , بس فضيلي دماغك كدا وركز معايا .

ننصحك بقراءة : كيف اتعلم اللغة الانجليزية : 10 نصائح للتعلّم في وقت أسرع

لازم تتابع مستواك أول بأول

من الأخطاء الشائعه جدًا اللي معظم الناس بتغفل عنها هي متابعة مستواهم في اللغة الإنجليزيه , مجرد ما يبدأ في كورسٍ ما بينسى كل حاجه وبينسى يشوف هو بيتطور ولا لأ , وده خطأ كبير جدًا

متابعة مستواك في اللغة ميقلش أهمية عن تعلّم اللغة نفسها , علشان متبقاش بتضيع وقت ومجهود على الفاضي ومفيش تحسّن.

ننصحك بقراءة : طرق غير تقليدية لتعلم اللغة الانجليزية : اسهل طريقة لتعلم اللغة الانجليزية للمبتدئين

طبعًا أكيد بتسأل دلوقتي , طيب إزاى اتابع مستوايا في اللغة ؟

متقلقش زي ما في كورسات انجليزي اون لاين , فيه إختبارات تحديد مستوى اون لاين ومجانًا بالكامل , يعني من بيتك وببلاش.

علشان متلفش وتدور كتير جهزتلك أفضل مصدرين ممكن تعمل فيهم إختبار تحديد مستوى وهما Cambridge و British Council.

ننصحك بقراءة : تعليم اللغة الانجليزية اون لاين صوت وصورة

ننصجك بقراءة : قاموس انجليزي عربي ناطق مجانا : أفضل 5 قواميس على مستوى العالم

هل فيه كورسات انجليزى اون لاين مجانا بشهادات معتمدة ؟

الخطأ التاني اللي بيقع فيه معظم اللي بيتعلمو انجليزي جديد هو ما يُسمى بالشهادات المعتمدة ؟ ليه بقى ده خطأ وإيه حكاية الشهادات دي ؟

خلينا نجيب من الأخر كدا ونقول مفيش شهادات معتمدة وليها لازمه في اللغة الإنجليزية غير IELTS و TOFEL.

وأي حد يقولك غير كدا يبقى بيضحك عليك , وأى مركز كورسات يقولك هديك شهادة معتمدة فبيضحك عليك والشهادة دي ملهاش أي لازمه.

دلوقتي لازم تسأل نفسك سؤال هل إنت محتاج كورسات انجليزى اون لاين علشان شهادة لسفر أو منحة مثلا ؟ ولا إنت مجرد عايز تتعلم إنجليزي علشان تتكلم وتفهم إنجليزي؟

لو كان علشان منحة فإنت دلوقتي عرفت ايه الشهادات المعتمده , لو فقط علشان التعلّم فإنت إن الشهادات بلح ملهاش أي لازمه.

تعرّف على : ترجمه باستخدام الكاميرا اون لاين (هاتفك أصبح مترجمك)

افضل كورس انجليزى عربي (الكورس رقم 1)

نبدأ بقى ندخل في الجد والتقيل , هبدأ اعرض عليكم أفضل كورسات انجليزى اون لاين واللي بإذن الله مش هتلاقي أفضل منها.

وعلشان أوفر عليكم هبدأ معاكم بأفضل كورس انجليزي باللغة العربية موجوده على الإنترنت في الوقت الحالي وهو كورس ذا امريكان انجلش.

أنا شخصيا بتابع الكورس ده حاليا وحقيقي كمية الإستفادة جباره وكمية معلومات جديده كتيره جدا جدا.

والكورس ده هيمحي من ذهنك شوية خرافات متعلقه بالإنجليزي اتعلمناها كلنا في مدارسنا .

متقلقش مش هسيبك كدا وامشي , في مقالة تطبيق zamerican english هتلاقي شرح كامل للكورس ده.

مش بس كدا جبتلك تجربة طالب مصري مع كورس وإزاي طور مستواه في مقالة : تجربتي مع تطبيق zamericanenglish المستوى الأول

شوية كورسات انجليزي برشحها ليكم

طبعًا كلنا مش زي بعض ومش شرط كلنا نرتاح لنفس مصدر التعلم , وكمان كلنا مش مستوى واحد أو قدرات واحده.

علشان كدا جمعتلكم شوية كورسات انجليزي اون لاين مختلفة ومتنوعة إن شاء الله تناسب جميع المستويات والقدرات وطرق التعلم المختلفة.

1. كورس POWER ENGLISH (الكورس رقم 2)

كورس power english أو زي ما بيسميه صاحب الكورس effortless english course بيصنف كواحد من أفضل كورسات في اللغة الإنجليزية الموجودة على الساحة دلوقتي.

بيعتمد بشكل أساسي على مهارة الإستماع , وفي الحقيقه دي من أفضل طرق التعلم ومن أكترها تأثير خصوصا في تعلم الإنجليزي.

الكورس ده مش مناسب للمبتدئين جدًا في اللغة أو اللي مستواهم تحت الصفر , لإنه بيفترض إنك عندك أساسيات اللغة الإنجليزية.

العيب الوحيد في الكورس ده هو إنه بيحتاج مده طويله جدًا علشان تنجزه على عكس كورسات انجليزى اون لاين كتير.

بس في النهايه يبقي كورس power english واحد من أقوى وأفضل كورسات اللغة الإنجليزية على الإطلاق.

2. ( الكورس رقم 3) كورس انجليزي الجامعة الامريكية

بيعتبر كورس الجامعة الامريكية لتعليم الانجليزية من البداية إلى الاحتراف برضو واحد من كورسات الإنجليزي الممتعه جدا.

تخيل كدا إن فيه مدرس أو مدرسه متحدثين أصليين للغة قدامك ومعاه 3 طلاب بيعلهم جميع أساسيات اللغة الإنجليزيه عن طريق المحادثه بينهم , يعني هتتعلم اللغة من أصاحبها وعن طريق المحادثة .

والكورس ده عبارة عن 80 فيديو في نهاية الفيديوهات دي إن شاء الله هتحس بتحسن كبير وملحوظ في لغتك الإنجليزية.

ننصحك بقراءة : كورس انجليزي محادثة : أفضل كورس في الوطن العربي + هدية لكم

كورسات انجليزى اون لاين للمبتدئين ( الكورس رقم 4)

كل المؤشرات والإحصائيات بتقول إن معظم اللي بيبحثو عن كورسات انجليزى اون لاين بيبقو مبتدئين في اللغة الإنجليزية.

علشان كدا قررت أرشح كورس الانجليزي اللي بيقدمه موقع inglisi.com , واللي في الحقيقه بيعتبر من أسهل كورسات الإنجليزي اللي ممكن أي حد يدرسها بغض النظر عن مستواه , حتى لو كان تحت الصفر.

وعلشان اسهل عليكم كل شئ جبتلكم فيديو بيشرح الموقع بالكامل وإزاى تسجل في الكورس وتتابعه , لازم تسمع الفيديو الأول ضروري جدًا .

أفضل تطبيقات موبايل لتعلم اللغة الإنجليزية

علشان الموبايل بقى بيمثل جزء كبير جدًا من حياتنا كان لازم يكون فيه كورسات انجليزى اون لاين بس من خلال الموبايل.

وهو ده اللي هتكلم فيه معاكم في الجزء ده من الشرح , واللي هعرفكم فيه على أفضل تطبيقين موبايل ممكن تتعلم منهم انجليزي.

والتطبقين دول مناسبين لجميع المستويات , يعني أيا كان مستواك هتستفيد لإن شاء اللهم منهم إستفادة كبيره جدًا.

1. تطبيق Doulingo (الكورس رقم 5)

طبعًا تطبيق دولينجو غني عن التعريف ومش محتاج إن أتكلم عنه كتير , لإنه بإختصار هو بيتكلم عن نفسه كواحد من أفضل تطبيقات تعلّم اللغات في العالم.

يعني بيضم لغات كتيره جدًا مش كورسات انجليزى اون لاين بس , تقدر تتعلم من عليه اي لغة أخرى تخطر ببالك.

2. تطبيق Hello English (الكورس رقم 6)

تطبيق Hello English ميقلش أهمية عن تطبيق دولينجو , بل بالعكس فيه مجموعة من المميزات الجبارة اللي مش موجودة في أي تطبيق تعلم انجليزي على الإطلاق.

ومن أهم المميزات دي إنه بيديك كورس في كل مهارة من مهارات اللغة بشكل منفرد بالتوازي مع الكورس الرئيسي الشامل.

طبعًا هتعرفوا معلومات أكتر عن التطبيق ده لما تدخلو عليه , ولو عايزين تطبيقات أكتر عن كورسات انجليزى اون لاين اقرأو المقاله اللي بعنوان : برنامج تعليم اللغة الانجليزية

كورس انجليزى للاطفال مجانا (الكورس رقم 7)

طبعا مش هنلاقي من كورسات انجليزى اون لاين علشان نختم بيها مجموعة كورساتنا انهاردة.

واكيد كورس الإنجليزي الخاص بالأطفال هيكون مختلف ومميز , نظرًا لصعوبة انهم يتعلموا اونلاين سواء على الكمبيوتر أو الموبايل.

والمختلف في الكورس ده إنه عبارة عن ملفات pdf مع ملفات صوت , تقدر تحمل المفات دي وتطبعهم في كتب لطفلك.

قبل الكلمة الختامية , هسيبلك هنا تجربتي الشخصيه مع تعلم اللغة الإنجليزية اون لاين مجانا من خلال الكورسات.

وان شاء الله هتستفيدوا كتير من التجربه دي. ودي تجربتي

كلمة ختاميه ونصيحه هامه جدًا

بكدا اكون انتهينا من شرح موضوع كورسات انجليزى اون لاين , واللي اتمنى من الله إنه يكون نال إعجابكم , نصيحه بقى .

اوعى تكسل وتقول هبدأ بعدين , لأ ابدأ من دلوقتى معاك اهو كل المصادر المختلفة اللي ممكن تتعلم منها , ولو اجلت صدقنى مش هتبدأ.

اتمنى انكو تزينم الشرح ده بإنكم تشاركوه على وسائل التواصل والجروبات من خلال ازرار الماشركه اللي تحت دي.

---